Jammu National Highway: سری نگر-جموں قومی شاہراہ ٹریفک کیلئے ایک بارپھر بند

وادئ کشمیر کو ملک کے دوسرے حصوں کے ساتھ جوڑنے والی سری نگر جموں قومی شاہراہ پر چٹانیں کھسک آنے سے ٹریفک کی نقل و حمل بدھ کی صبح ایک بار پھر روک دی گئی۔ Jammu National Highway Closed For Traffic

سری نگر: وادی کشمیر کو ملک کے دوسرے حصوں کے ساتھ جوڑنے والی سری نگر جموں قومی شاہراہ پر چٹانیں کھسک آنے سے ٹریفک کی نقل و حمل بدھ کی صبح ایک بار پھر روک دی گئی۔ٹریفک حکام نے بتایا کہ قومی شاہراہ کو رام بن کے مہر کیفٹیریا موڑ پر چٹانیں کھسک آنے سے ٹریفک کی نقل و حمل کے لئے بند کر دیا گیا۔ انہوں نے کہا کہ آج شاہراہ پر دو طرفہ ٹریفک کی نقل و حمل جاری رکھنے کا فیصلہ لیا گیا تھا لیکن مہر کیفٹیریا موڑ پر وقفے وقفے سے چٹانیں کھسک کر آنے کا سلسلہ جاری ہے۔حکام نے لوگوں کو قومی شاہراہ پر سفر کرنے سے قبل متعلقہ حکام کے ساتھ رابطہ کرنے کی ہدایت دی ہے۔

واضح رہے کہ قومی شاہراہ کے بند ہونے سے اہلیان وادی کو گونا گوں مشکلات کا سامنا کرنا پڑتا ہے۔ لوگوں کا کہنا ہے کہ شاہراہ کے بند ہوتے ہی جہاں بازاروں میں اشیائے ضروریہ کی قلت پیدا ہوجاتی ہے وہیں گھریلو اشیا کی قیمتیں آسمان چھونے لگتی ہے۔ واضح رہے کہ سری نگر- جموں قومی شاہراہ پر 14 جنوری کے روز برف باری اور چٹانیں کھسک آنے کی وجہ سے ٹریفک کی نقل و حمل روک دی گئی تھی۔ اس سے قبل 20 جنوری کو بھی شدید برف باری کی وجہ سے بھی سری نگر جموں شاہراہ بند رکھی گئی تھی۔

یو این آئی