جموں وکشمیر کی سرمائی راجدھانی میں بقایا اجرتوں اور ملازمت مستقلی کے مطالبات کے حق میں مذکورہ ملازمین لگاتا ر احتجاج کر رہے ہیں تاہم ریاستی انتظامیہ کی جانب سے ان مطاہرین کی جانب کوئی توجہ نہیں دی گئی۔
جموں : محکمہ بجلی کےعارضی ملازمین کااحتجاج
'آل جے اینڈ کے پی ڈی ڈی کیجول لیبرز یو نین' کے بینر تلے سینکڑوں کی تعداد میں لوگوں نے محکمہ بجلی کے نیڈبیسڈ اور کیجول ملازمین نے محکمہ بجلی کے خلاف جموں پریس کلب میں احتجاج کیا۔ اس دوران احتجاجی ملازمین نے متعلقہ محکمہ اور ریاستی انتظامیہ کے خلاف شدید نعرے بازی کی ۔
یونین کے اراکین نے بتایا کہ وہ بقایا اجرتوں کی ادائیگی اورملازمت مستقلی کے مطالبات کے حق میں پچھلے تین برسوں سے احتجاج کررہے ہیں لیکن حکومت ہمارے مطالبات پورے کرنے میں ناکام رہی ہے۔