جموں و کشمیر کے سرمائی دارالحکومت جموں میں آج انڈین نیشنل کانگریس نے مرکزی سرکار کے خلاف احتجاج کیا اور نئے زمینی قوانین کو منسوخ کرنے کا مطالبہ کیا۔ احتجاج کی قیادت جموں کشمیر کانگریس کے نائب صدر رمن بلا کررہے تھے۔
مرکزی حکومت کے خلاف زوردار احتجاج
اس موقع پر سابق وزیر رمن بلا نے نامہ نگاروں سے بات کرتے ہوئے کہا 'زمینی قوانین میں کی گئی تبدیلیاں جموں و کشمیر کے عوام کے ساتھ دوکھہ دہی ہے'۔
انہوں نے کہا 'زمینی قوانین میں ترمیم کرنا بی جے پی کا غلط فیصلہ ہے جبکہ اس کالے قانون کو جموں کشمیر میں نافذ کرنے کی ضرورت نہیں تھی'۔
انہوں نے کہا 'مودی سرکار کسانوں کے خلاف ہے اور اب جموں و کشمیر میں لوگوں کی زمین کو تحفظ دینے میں بی جے پی سرکار ناکام ہورہی ہے جبکہ روزگار کے مواقع فرہم کرنے میں وہ ناکامیاب ثابت ہوئی ہے'۔