Lack of Cleanliness in Qasim Nagar: جموں شہر کے قاسم نگر میں صفائی کا فقدان

مقامی سماجی کارکن روبینہ مہانت نے ای ٹی وی بھارت کے ساتھ بات کرتے ہوئے کہا کہ 'جموں کے قاسم نگر علاقے کی گلی کوچوں میں گندگی کے ڈھیر جمع ہوئے ہیں، لیکن جموں میونسپل کارپوریشن کی جانب سے اس طرف کوئی توجہ نہیں دی جارہی ہے۔' Lack of cleanliness in public places of Qasim Nagar

جموں: جموں و کشمیر کے جموں شہر کے علاقہ قاسم نگر میں صفائی فقدان کو لیکر مقامی لوگوں میں جموں میونسپل کارپوریشن کے خلاف کافی ناراضگی پائی جارہی ہے اگرچہ جموں اور سرینگر کو سمارٹ سٹی کا درجہ دیا گیا ہیں تاہم جہاں تک سمارٹ سٹی پروجیکٹ کا تعلق ہے شہر جموں کو بھی اس کے دائیرے میں لایا گیا ہے لیکن اب تک اس حوالے سے کتنا کام کیا گیا ہے اس بارے میں ابھی کچھ معلوم نہیں ہوسکا ہے۔ Jammu Municipal Corporation

جموں شہر کے بالائی علاقوں میں بعض مقامات پر گندگی کے ڈھیر دیکھے جاسکتے ہیں خاص کر قاسم نگر علاقے میں۔ مقامی سماجی کارکن روبینہ مہانت نے ای ٹی وی بھارت کے ساتھ بات کرتے ہوئے کہا کہ 'قاسم نگر علاقہ کے وارڈ میں بالخصوص گلی کوچوں میں گندگی کے ڈھیر جمع ہوئے ہیں، لیکن جموں میونسپل کارپوریشن کی جانب سے اس طرف کوئی توجہ نہیں دی جارہی اور جموں شہر میں 'سوچھ بھارت ابھیان مہم' پوری طرح سے فیل ہوتی نظر آرہی ہے۔' Lack of Cleanliness in upper areas of Jammu

روبینہ مہانت نے مزید کہا کہ 'مذکورہ کالونی سے بہنے والا نالہ گندگی سے بھر چکا ہے جس کی وجہ سے معمولی بارش کے دوران پانی لوگوں کے گھروں میں داخل ہو جاتا ہے جبکہ گزشتہ پانچ برسوں سے جموں میونسپل کارپوریشن نے مذکورہ علاقہ میں کوئی بھی کام نہیں کیا ہے۔ اراکین نے انتظامیہ پر الزام عائد کرتے ہوئے کہاکہ نکاسی آب کے ناقص انتظامات کی وجہ سے عام لوگوں کو دقتوں کا سامنا کرنا پڑرہا ہے۔'

انہوں نے کہا کہ 'دوسرا اہم مسئلہ پارکوں کی صفائی ستھرائی اور تزئین کاری کا ہے لیکن افسوس اس بات کا ہے کہ شہر میں ایک بھی پارک ایسی نہیں جس کو صاف کیا گیا ہے یا جس کی تزئین کاری کی گئی ہے جبکہ متعلقہ حکام بھی خاموش تماشائی بنے ہوئے ہیں۔