جموں میں خلائی مزائل کے کامیاب تجربے پر جشن

ریاست جموں و کشمیر میں جموں کے رانی پارک علاقے میں ڈوگرہ فرنٹ کی جانب سے خلائی مزائل کے کامیاب تجربے پر جشن منایا گیا۔

جشن میں خواتین اور بچوں نے بھی شرکت کی اور ڈھول نگاڑے بجا کر جشن منایا۔

ڈوگرہ فرنٹ کے صدر اشوک گپتا نے کہا کہ' ڈی آر ڈی او نے جو مزائل خلا میں بھیجا ہے اس سے پورے ملک میں خوشی کی لہر دوڑ گئی ہے'۔

غور طلب ہےکہ چند روز قبل ڈی آر ڈی او کی کامیابی پر بھارت کے وزیر اعظم نریندر مودی نے بھارت کے عوام کو خطاب کیا تھا۔

عوام کے نام اس پیغام کے بعد سیاسی کھینچ تان شروع ہو گئی اور ایلکشن کمیشن میں ضابطہ اخلاق کی خلاف ورزی کرنے کے الزام میں وزیر اعظم کے خلاف عرضی بھی داخل کی گئی۔