پیٹرول و ڈیزل کی قیمتوں میں اضافے کے خلاف احتجاج

کانگریس کے کارکنان نے احتجاج کے دوران مرکزی حکومت کے خلاف سخت نعرے بازی کی۔

پیٹرول اور ڈیزل کی قیمتوں میں اضافے کے خلاف آج جموں کے سہدی چوک میں کانگریس کے کارکنوں نے حکومت کے خلاف احتجاج کیا۔

احتجاج کر رہے کانگرس کے کارکنان نے حکومت کے خلاف نعرے بازی کی۔

اس موقع پر کانگریس کے سینئر رہنما سوسانتھ گپتا نے ذرائع ابلاغ کے نمائندوں سے بات کرتے ہوئے کہا کہ جس طرح سے مرکزی حکومت نے پیٹرول اور ڈیزل کی قیمتوں میں اضافہ کیا ہے۔ اس سے غریب اور متوسط طبقہ پر بھاری مالی بوجھ پڑا ہے۔ اب لوگ گاڑیوں میں سفر کرنے کے بجائے گھوڑوں اور ٹانگوں پر سفر کرنے پر مجبور ہوگئے ہیں۔

انہوں نے مزید کہا کہ 'پیٹرولیم اشیاء کو کنٹرول کرنے کا وعدہ کرنے والے وزیراعظم نریندر مودی تیل کی کمپنیوں کو فائدہ پہنچانے کے لیے غریب اور متوسط طبقہ پر مالی بوجھ عائد کررہے ہیں۔ پیٹرول اور ڈیزل کی قیمتوں میں اضافہ سے اشیائے ضروریہ کی قیمتوں میں بھی بے تحاشہ اضافہ ہو رہا ہے'۔

انہوں نے مزید کہا کہ 'چار مہینوں سے جاری لاک ڈاون میں لوگ مالی بدحالی کا شکار ہوچکے ہیں اور اب سرکار پٹرول اور ڈیزل کی قیمتوں میں اضافہ کر کے انہیں مزید مشکلات میں ڈال رہی ہیں '