وائس چانسلر کے عہدے کے لیے درخواستیں طلب

مرکز کے زیر انتظام ریاست جموں و کشمیر میں واقع کلسٹر یونیورسٹیز کے لیے وائس چانسلرز کی تلاش شروع ہوگئی ہے. یونیورسٹیز نے اس سلسلے میں نوٹفیکیشن جاری کرتے ہوئے درخواستیں طلب کی ہیں۔

نوٹفیکیشن کے مطابق یونیورسٹی کے وائس چانسلر کے عہدے کے لئے درخواستیں دینے والے امیدارواں کو کم سےکم 10 سال تک پروفیسر کے بطور یونیورسٹی میں کام کرنے کا تجربہ ہونا چائیے۔ وہیں وائس چانسلر کا عہدہ تعلیمی اور انتظامی ہونے کی وجہ سے وائس چانسلر کے لیے دوراندیش ہونے کے ساتھ ساتھ قیادت کی اہلیت اور انتظامی امور میں مہارت ہونی چائیے۔

جموں وکشمیر انتظامیہ نے پہلے ہی جموں اور سرینگر کی سنٹرل یونیورسٹیوں کے لئے وائس چانسلروں کی تقرری کے لئے سرچ کمیٹیوں کو تشکیل دیا ہے اور یہ تیسری سرچ کمیٹی ہے جو امیدواروں کی پینل کو منتخب کرے گی۔

سرینگر سنڑل یونیورسٹی کے لئے وائس چانسلر کو منتخب کرنے کے لیے سرچ کمیٹی کی سربراہی سنٹرل یونیورسٹی گجرات کے وائس چانسلر پروفیسر راما شنکر دوے کر رہے ہیں۔ جبکہ جموں کی سنٹرل یونیورسٹی کے لئے سرچ کمیٹی کی سربراہی لکھنو یونیورسٹی کے وائس چانسلر پروفیسر آلوک کمار کررہے ہیں۔

ادھر این آئی ٹی سرینگر کے ڈائریکٹر پروفیسر راکیش اگروال اور شری ماتا ویشنودیوی یونیورسٹی کے وائس چانسلر پروفیسر رویندر کمار سنہا کمیٹی کے ارکان بنائے گئے ہیں۔

کلسٹر یونیورسٹی جموں اور کلسٹر یونیورسٹی کشمیر کے وائس چانسلر کا چارج فی الحال جموں یونیورسٹی کے پروفیسر منوج دھر اور اور کشمیر یونیورسٹی کے پروفیسر طلعت احمد کے پاس ہے۔