'کانگریس کی جیت میری اولین ترجیح'

جی23 گروپ کے اعلی رہنما غلام نبی آزاد نے کہا ہے کہ وہ آنے والے اسمبلی انتخبات میں کانگریس کی انتخبابی مہم میں شامل ہوں گے۔

حال ہی میں کانگریس پارٹی میں اندرونی درار پیدا ہونے کے بعد کانگریس اور جی23 گروپ کے اعلی رہنما غلام نبی آزاد نے کہا ہے کہ ان کے کے لیے پارٹی کی جیت اولین ترجیح ہے۔

غلام نبی آزاد نے کچھ روز قبل جموں کا دورہ کیا تھا۔ اس دوران ان کے ساتھ کانگریس کے اعلی رہنما کپل سبل بھی موجود تھے۔

آزاد نے کہا ہے کہ پانچ ریاستوں میں ہونے والے انتخابات میں وہ کانگریس کی تشہیری مہم میں حصہ لیں گے۔ انہوں نے حال ہی میں وزیر اعظم نریندر مودی کی تعریف کی تھی، جس کے بعد کانگریس پارٹی نے جی23 گروپ کے ممبرز سے گزارش کی کہ وہ آئندہ اسمبلی انتخابات پر اپنی توجہ مرکوز کریں۔

غلام نبی آزاد نے کہا 'ہم سب مل کر آئندہ انتخابات میں ریاستوں و مرکزی علاقوں میں پارٹی کی انتخابی مہم میں شرکت کریں گے اور میں پارٹی میں اپنے تمام ساتھیوں کی طرف سے یہ کہہ رہا ہوں'۔

انہوں نے کہا 'آئندہ دو مہینوں کے لیے پارٹی یا پھر کسی بھی رہنما کی طرف سے ہمیں جو بھی تجویز پیش کی جاتی ہے۔ ہم اس پر عمل کریں گے'۔

انہوں نے وزیر اعظم مودی پر اپنے بیان کے سلسلے میں کہا 'میرے بیان کو غلط طریقے سے پیش کیا گیا ہے۔ میں نے وزیر اعظم مودی کی تعریف نہیں کی تھی۔