جموں: ہیومنیٹی فرسٹ کی جانب سے غریبوں میں مفت راشن تقسیم

جموں میں ہیومنیٹی فرسٹ تنظیم کی جانب سے غریبوں میں مفت راشن تقسیم کیا جا رہا ہے۔

کورونا وبا کے دوران نافذ کردہ لاک ڈاؤنسے پریشان حالغریبوں میں مرکز کے زیر انتظام جموں میں ہیومنیٹی فرسٹ تنظیم کی جانب سے مفت راشن تقسیم کیا جا رہا ہے۔ ہیومنیٹی فرسٹ کی جانب سے آج تیسرے روز بھی ضرورت مندوں اور غریبوں کو راشن کی ترسیل کا سلسلہ جاری رہا۔

وبائی صورتحال کے پیش نظر ملک کے ساتھ ساتھ جموں و کشمیر میں بھی لاک ڈاؤن نافذ ہے، جس کی وجہ سے مزدور طبقہ کافی متاثر ہوا ہے اور ان کے گھروں میں فاقہ کشی پڑنے کا خدشہ ہے۔

ان حالات سے نمٹنے کے لیے ہیومنیٹی فرسٹ کی رضاکار ٹیم اپنے محدود وسائل کے باوجود گزشتہ تین دنوں سے جموں کی مختلف جگہوں پر ضرورت مندوں کو راشن مہیا کر رہی ہے، جس میں دال، چاول، گھی، آٹا، صابن، بسکٹ اور روزمرہ استعمال ہونے والی دیگر ضرورت کی اشیاء شامل ہیں۔

ہیومینیٹی فرسٹ تنظیم کے ایک عہدیدار نے کہا کہ جب تک لاک ڈاؤن برقرار ہے، ہم ضرورت مند لوگوں کے ساتھ اپنا تعاون جاری رکھیں گے۔