جموں: پبلک سروس کمیشن دفتر میں آتشزدگی

آگ پر قابو پاکر مزید نقصان ہونے سے عمارت کو بچایا گیا۔ حادثے میں کوئی جانی نقصان نہیں ہوا۔

مرکز کے زیرانتظام جموں میں پبلک سروس کمیشن کے دفتر میں اچانک آگ لگ گئی۔ آگ سے دفتر کا سکریسی سیکشن پوری طرح جل کر خاکستر ہوا۔

خبر پھیلتے ہی موقع واردات پر فائر اینڈ ایمرجنسی کے اہلکاروں نے آگ پر قابو پاکر مزید نقصان ہونے سے عمارت کو بچایا۔ اس دوران اگرچہ کوئی جانی نقصان نہیں ہوا، تاہم سکریسی سیکشن میں ساز و سامان کے ساتھ ساتھ ضروری کاغذات بھی آگ کی نظر ہو گئے۔

پولیس نے معاملہ درج کرکے تحقیقات شروع کردی ہیں۔