'میں بوڑھا ہوچکا ہوں، ریاست کی کمان نہیں سنبھال سکتا'

ریاست جموں کشمیر میں نیشنل کانفرنس کے سربراہ فاروق عبداللہ نے ایک انتخابی ریلی سے خطاب کرتے ہوئے کہا کہ اب وہ ریاست میں وزیراعلی کے امیدوار نہیں رہیں گے۔

جموں میں ریلی سے خطاب کرتے ہوئے فاروق عبداللہ نے کہا کہ اب وہ ریاست کے وزیراعلی نہیں بنیں گے لیکن رکن پارلیمان رہ کر قومی سطح پر سرگرم رہیں گے۔

انھوں نے میڈیا پر بھی نکتہ چینی کرتے ہوئے کہا کہ میڈیا مرکزی حکومت کے ہاتھوں بک چکی ہے اس لیے وہ صرف مرکزی حکومت کی ہی تعریف کرتا ہے لیکن ایسا زیادہ دنوں تک نہیں ہوگا۔

فاروق عبدللہ نے بھارتی فضائیہ کی کاروائی کے حوالے سےکہا کہ 'بھارت نے پاکستان کو سبق سکھایا، ایئر اسٹرائیک کی اور اپنا بھی ایک جہاز گرایا اور پاکستان کے دو جہاز گرادیے، لیکن آج بھی ہمارے جوان شہید ہورہے ہیں اس بارے میں کسی کو بھی کوئی فکر نہیں ہے'۔