جموں میں بھی ریلوے ٹریک پر احتجاجی مظاہرے ہوئے

کسان مزدور سنگھرش کمیٹی نے ریل روکو تحریک کے تحت جموں میں بھی ریلوے ٹریک پر احتجاجی مظاہرہ کیا۔

زرعی قوانین کے خالف دہلی کے بارڈر پر احتجاج کر رہے کسانوں نے آج پورے ملک میں ریل روکو مہم کی کال دی تھی جس کا اثر ملک بھر میں دیکھا گیا۔ کسانون کے کال پر جموں میں بھی چار گھنٹے ٹرین کی آمد و رفت خدمات متاثر رہی۔

تاہم جموں میں محکمہ ریلوے نے سکیورٹی کے خصوصی اتنظامات کئے تھے۔ تاکہ کوئی ناخوش گوار حالات پیش نہ آئے۔

واضح رہے کہ کہ کسان تنظیموں نے زرعی قوانین کے خلاف آج دوپہر 12 بجے سے شام 4 بجے تک ریل روکو کی کال دی تھی۔

مرکز کے تین نئے زرعی قوانین کے خلاف احتجاج کرنے والی کسان تنظیموں کی 'ریل روکو' مہم کے تناظر میں ریلوے نے پنجاب، ہریانہ، اترپردیش اور مغربی بنگال کے ساتھ ساتھ پورے ملک میں ریلوے پروٹیکشن اسپیشل فورس کی 20 اضافہ کمپنیاں تعینات کی تھی۔ متحدہ کسانوں کے محاذ (ایس کے ایم) نے زرعی قوانین کے خاتمے کا مطالبہ کرتے ہوئے گذشتہ ہفتے ریل روکو مہم کا اعلان کیا تھا۔