'مرکزی حکومت نے وادی کے لوگوں کو ٹکڑوں میں تقسیم کرنے کی کوشش کی'

فلم ڈائریکٹر راما پانڈے نے مرکزی حکومت کو تنقید کا نشانہ بناتے ہوئے کہا کہ جموں و کشمیر ایک خوبصورت ریاست تھی اب ٹکڑے ٹکڑے کر کے اسے تقسیم کر دیا گیا۔

فلم ڈائریکٹر راما پانڈے نے مرکزی حکومت کو تنقید کا نشانہ بناتے ہوئے تنظیم نو قانون 2019 اور جموں و کشمیر کا ریاستی درجہ ختم کرنے کی مخالفت کی اور کہا کہ اس طرح سے جموں و کشمیر کے عوام میں آپسی بٹوارہ ہونے کا خطرہ لاحق ہے، وہیں کشمیریت کو دھچکا پہنچا ہے۔

انہوں نے کہا کہ مجھے بے حد افسوس ہے کہ جو حال جموں و کشمیر کا ہوا ہے، اس کے لئے سیاسی لیڈر اور مرکزی حکومت ذمہ دار ہے، جنہوں نے کشمیریوں کی کشمیریت کو ختم کیا اور جموں کشمیر کے درمیان دراڑ ڈالنے کی کوشش کی جبکہ ریاست کو ٹکڑوں میں تقسیم کیا، جس سے نفرتیں پیدا ہوئیں۔

انہوں نے مرکزی حکومت کو تنقید کا نشانہ بناتے ہوئے کہا کہ جموں و کشمیر ایک خوبصورت ریاست تھی اب ٹکڑے ٹکڑے کر کے اسے تقسیم کر دیا گیا۔

فلم ڈائریکٹر راما پانڈے

انہوں نے کہا کہ ابھی وقت ہے کہ مرکزی سرکار کو چاہیے کہ وہ جموں کو ریاست کا درجہ دینے میں تاخیر نہ کرے۔ انہوں نے کہا کہ مرکزی سرکار عوام کے دلوں کے ساتھ سودا نہیں کرنا چاہتی بلکہ زمین کے ساتھ سودا کرنا چاہتی ہے جو کہ غلط بات ہے۔