ترال: ڈی ڈی سی ممبر نے علاقے کا دورہ کیا

ترال سے منتخب ہونے والے ڈی ڈی سی کے امیدوار ڈاکٹر ہربخش سنگھ نے برفباری کے بعد علاقے کا دورہ کیا۔ اس موقع پر انہوں نے غریبوں میں کمبل تقسیم کیے۔

جموں و کشمیر کے ضلع ترال سے منتخب ہونے والے ڈی ڈی سی کے امیدوار ڈاکٹر ہربخش سنگھ نے برفباری کے بعد علاقے کا دورہ کیا۔ اس موقع پر علاقے کی عوام نے نومنتخب ممبر سے ملاقات کرکے انہیں اپنے مسائل سے واقف کرایا۔

ڈاکٹر ہربخش سنگھ نے عوام کے مسائل کو ترجیحی بنیاد پر حل کرانے کی یقین دہانی کرائی۔ ڈاکٹر ہر بخش سنگھ نے کارمولہ، بٹ نور، پنر جاگیر اور ناگہ واڈی علاقوں کا دورہ کیا اور وہاں برفباری سے پیدا شدہ صورتحال کا جائزہ لیا اور خط افلاس سے نیچے زندگی بسر کرنے والے تقریبا سو سے زائد افراد کے درمیان کمبل تقسیم کئے۔

نامہ نگاروں سے بات کرتے ہوئے ڈاکٹر ہربخش سنگھ نے کہا کہ' یہاں کے عوام نے ہمیں ووٹ دے کر کامیاب بنایا ہے اور اب یہ ہماریذمہ داری ہے کہ ان کی نمائندگی کروں'۔

انہوں نے مزید بتایا کہ' میرا یہ کمبل بانٹنے کاعمل غیر سیاسی ہے کیونکہ میں ایک ٹرسٹ بھی چلا تا ہوں۔ لوگوں کی مجھ سے بے پناہ محبت کے عوض یہ ایک چھوٹی سی خدمت ہے اور یہ سلسلہ ہمیشہ جاری رہے گا'۔