Daily Wagers of Jal Shakti Deptt. Protest جموں میں جل شکتی محکمہ کے یومیہ مزدوروں کا احتجاج

جموں میں منگل کے روز جل شکتی میں تعینات ڈیلی ویجروں نے احتجاجی مظاہرئے کئے اور حکومت سے مطالبہ کیا کہ اُن کی نوکریوں کو جلدازجلد مستقل کیا جائے۔Daily Wagers of Jal Shakti Protest in Jammu

جموں: جمو ں وکشمیر کی سرمائی راجدھانی جموں میں منگل کے روز جل شکتی میں تعینات ڈیلی ویجروں نے احتجاجی مظاہرئے کئے اور حکومت سے مطالبہ کیا کہ اُن کی نوکریوں کو جلدازجلد مستقل کیا جائے۔ اطلاعات کے مطابق بی سی روڑ جموں میں منگل کے روز ڈیلی ویجروں کی ایک بڑی تعداد نے انتظامیہ کے خلاف نعرے بازی کی۔ مظاہرین نے کہا کہ پچھلے 133 دنوں سے وہ مسلسل احتجاج پر بیٹھے ہوئے لیکن انتظامیہ کی جانب سے اُن کی مانگوں کو پورا کرنے میں لیت ولعل کا مظاہرہ کیا جارہا ہے۔ Daily Wagers of Jal Shakti Protest in Jammu

انہوں نے کہاکہ حکومت نے یقین دہانی کرائی تھی کہ ڈیلی ویجروں اور کیجول لیبروں کے مسائل ترجیحی بنیادوں پر حل کئے جائیں گے لیکن ابھی تک اس پر عملدرآمد نہیں ہوا۔ اُن کے مطابق وہ اپنے فرائض خوش اسلوبی اور تن دہی کے ساتھ انجام دے رہے ہیں۔ انہوں نے مزید بتایا کہ جل شکتی میں پچھلے بیس برسوں سے ڈیلی ویجروں کی نوکریاں مستقل نہیں کی گئیں جو قانون کی صریحاً خلاف ورزی ہے۔ مظاہرین نے ایل جی انتظامیہ سے مطالبہ کیا کہ اُن کی نوکریوں کو جلدازجلد مستقل کیا جائے تاکہ ڈیلی ویجروں کی دیریانہ مانگ پوری ہو سکے۔

یو این آئی