'کووڈ ویکسین سے روزہ نہیں ٹوٹے گا'

مفتی محمد آصف نے کہا کہ روزہ کے دوران ٹیکہ لگوا سکتے ہیں۔ اس سے روزہ نہیں ٹوٹے گا۔ جس طریقے سے عام انجکشن سے روزہ نہیں ٹوٹتا ہے اسی طریقے سے کورونا ویکسین کے ٹیکہ سے بھی روزہ نہیں ٹوٹے گا۔

رمضان المبارک کی آمد آمد ہے۔ وہیں پورے ملک کے ساتھ ساتھ جموں و کشمیر میں بھی کورونا وائرس کیسز میں اضافہ دیکھنے کو مل رہا ہے۔ کووڈ کے پیش نظر ویکسینشین کے نظام میں بھی تیزی لائی جارہی ہے۔ اب سوال یہ پیدا ہوتا ہے کہ کیا حالت روزہ میں کورونا ویکسین کا ٹیکہ لگوا سکتے ہیں؟

اس ضمن میں ای ٹی وی بھارت کے نمائندے نے جموں کے مفتی محمد آصف سے بات چیت کی۔

انہوں نے کہا 'روزہ کے دوران ٹیکہ لگوا سکتے ہیں۔ اس سے روزہ نہیں ٹوٹے گا۔ جس طرح عام انجکشن سے روزہ نہیں ٹوٹتا ہے ویسے ہی کورونا ویکسین کے ٹیکہ سے بھی روزہ نہیں ٹوٹے گا'۔

انہوں نے مزید کہا 'عالمی وبا کورونا وائرس سے نمٹنے کے لئے کووڈ گائندلائنز پر عمل کرنا چاہیے تاکہ اس وبا سے نجات ملے'۔

وہیں انہوں نے سپرم کورٹ کے فیصلے کا خیر مقدم کرتے ہوئے کہا 'یہ ایک خوش آئند قدم ہیں کہ وسیم رضوی کی جانب سے دائر عرضی کو کورٹ نے خارج کر دیا ہے'۔