Covid Mock Drills جموں وکشمیر کے تمام ہسپتالوں میں کوویڈ موک ڈرلز کا اہتمام

جموں کشمیر میں ایک دفعہ پھر سے کورونا کے فعال کیسیز میں اضافہ ہورہا ہے۔ سرینگر اور جموں میں دیگر دیگر اضلاع کے مقابلے زیادہ ایکٹیو کسیز سامنے آئے ہیں۔محکمہ صحت کسی بھی ہنگامی حالت سے نمٹنے کی ابھی سے تیاری کر رہی ہے۔

جموں: جموں کشمیر میں کورونا سے متاثرہ افراد کی تعداد میں مسلسل اضافہ ہو رہا ہے۔ جموں میں آٹھ کورونا وائرس سے متاثرین پائے گئے ہیں۔ اس کے پیش نظر منگل کو خطہ کے مختلف ہسپتالوں میں موک ڈرل کی گئی۔ اس دوران اسپتال میں آکسیجن سپورٹڈ بیڈز، آئی سی یو بیڈز، طبی عملہ سمیت ضروری ادویات کے اسٹاک کا جائزہ لیا گیا۔ جموں کے گاندھی نگر ہسپتال میں مورک ڈرل کے دوران دستیاب وسائل اور سہولیا کی جانچ کی گئی ۔

اس دوران پی ایس ایم مشین اور وینٹی لیٹر کو بھی شروع کیا گیا، تاکہ یہ یقینی بنایا جا سکے کہ ہمارا نظام ہنگامی صورت حال میں کورونا سے نمٹنے کے لیے کتنا تیار ہے۔
جموں کشمیر کے سبھی اضلاع میں کورونا کے ایکٹیو کیسز پائے گئے ہیں، جموں اور سرینگر میں نئے کورونا سے متاثرہ مریض سامنے آئے ہیں۔ جموں گاندھی نگر ہسپتال میں ہوا سے آکسیجن پیدا کرنے کے لیے دو پی ایس اے یونٹ (800 لیٹر فی منٹ کی صلاحیت) کے علاوہ ایک پی ایس اے پلانٹ (100 لیٹر فی منٹ کی صلاحیت) اور 20 ہزار لیٹر کی صلاحیت کا لیکوڈمیڈیکل آکسیجن (ایل ایم او) نصب کیا گیا ہے۔

جموں کے گاندھی نگر ہسپتال کے ڈاکٹر ارن شرما نے کہا کہ جموں کشمیر میں کورونا کے مریضوں کی تعداد میں غیر معمولی اضافہ ہوا ہے ،محکمہ صحت کے عہدیداروں کی ہدایات کی روشنی میں اسپتال میں موک ڈرل کی گئی۔ اس دوران مریض کو ایمبولینس کے ذریعے اسپتال لانے، وارڈ میں داخل کرکے اسکریننگ اور علاج کے انتظامات کے لیے ایک مشق کی گئی ہے۔ انہوں نے کہا کہ وقت رہتے بندوبست کا جائزہ لینے کے لئے متاثرہ مریضوں کے علاج میں راحت ہوگی۔ موک ڈرل کے دوران کورونا کے مریضوں کے علاج کے حوالے سے ہر پہلو پر توجہ دی گئی ہے۔

انہوں نے بتایا کہ محکمہ سے موصولہ ہدایات کے مطابق ہسپتال میں کورونا سے متعلق ایک موک ڈرل کی گئی۔ ایسی موک ڈرل فائدہ مند ثابت ہوگی،لیکن موک ڈرل کے ساتھ ساتھ اب بھی ویکسینیشن، ماسک کا استعمال، دو گز کا فاصلہ اور نزلہ و کھانسی کے ساتھ بخار کے ساتھ کورونا ٹیسٹ کروانا ضروری ہے۔