جموں: ایندھن کی قیمتوں میں اضافہ کے خلاف کانگریس کا احتجاج

کانگریس پارٹی کے کارکنان نے بدھ کے روز جموں میں پیٹرول اور ڈیزل کی قیمتوں میں ہو رہے اضافے کے خلاف احتجاجی دھرنا دیا۔

جموں میں کانگریس کے کارکنان نے پٹرول اور ڈیزل کی قیمتوں میں اضافے کے خلاف احتجاج زور دار احتجاج کیا۔مظاہرین نے حکومت کے خلاف نعرے بازی کرتے ہوئے پیٹرول ڈیزل کی قیمتوں میں تخفیف کا مطالبہ کیا۔

اس موقع پر پارٹی کے سینئر لیڈر رمن بھلہ نے میڈیا سے بات کرتے ہوئے کہا کہ پیٹرول، ڈیزل اور گیس کی قیمتوں میں مسلسل اضافہ ہورہا ہے۔'

انہوں نے کہا کہ ایک برس کے اندر قیمتیں بہت زیادہ بڑھ گئی ہیں جس سے لوگوں کو مشکلات کا سامنا ہے۔

انہوں نے کہا کہ ہم یہاں سوئی ہوئی سرکار کو جگانے کے لیے دھرنے پر بیٹھے ہیں۔

اس موقع پر انہوں نے مطالبہ کیا کہ جموں و کشمیر کو ریاستی درجہ جلد واپس دینا چاہیے اور یہاں اسمبلی انتخابات جلد سے جلد منعقد کئے جانے چاہیے۔'

ان کا کہنا تھا کہ موجودہ سرکار غریبوں کے لیے کوئی کام نہیں کر رہی ہے اور ان کی آواز کو بلند کرنے والا کوئی نہیں ہے۔ رمن بھلہ نے کہا کہ اگر قیمتوں کو اعتدال میں نہیں رکھا گیا تو بڑے پیمانے پر احتجاج ہوگا۔