چیف الیکٹرول افسر کی لیفٹیننٹ گورنر سے ملاقات

مرکز کے زیر انتظام جموں و کشمیر کے چیف الیکٹورل افسر ہردیش کمار نے جموں میں لیفٹیننٹ گورنر گریش چندر مرمو سے ملاقات کی۔

نمائندے کے مطابق جموں و کشمیر کے چیف الیکٹورل آفیسر (سی ای او) ہردیش کمار نے بدھ کو جموں کے راج بھون میں لفٹیننٹ گورنر جی سی مرمو کے ساتھ ملاقات کی۔

اس موقع پر انہوں نے لیفٹیننٹ گورنر کو مرکزی زیرانتظام خطہ جموں کشمیر میں انتخابی کمیشن کی سرگرمیوں اور رائے دہندگان میں انتخابات سے متعلق بیداری پیدا کرنے کیلئے کئے جا رہے اقدامات کی جانکاری دی۔

لیفٹیننٹ گورنر نے سی ای او پر زور دیا کہ وہ رائے دہندگان کو ووٹ کی اہمیت سے روشناس کرائے۔انہوں نے کہا کہ زمینی سطح پر جمہوری عمل کو مستحکم کرنے کیلئے اہل ووٹروں کے اندراج میں بھی اضافہ کیا جانا چاہیے۔ وہیں انہوں نے تمام لازمی معلومات عوامی دائرے میں دستیاب رکھنے کی ضرورت پر بھی زور دیا۔