جموں میں پارٹی دفتر پر بلائی گئی ایک پریس کانفرنس میں انہوں نے کہا کہ عین الیکشن کے موقعے پر انکی بلٹ پروپ گاڑی واپس لی گئی ہے اور اسکے بدلے انہیں ایک پرانے ماڈل کی ایمباسڈر کار دی گئی ہے۔
بھیم سنگھ جموں پونچھ پارلیمانی حلقے سے انتخاب لڑ رہے ہیں۔ وہ ماضی میں ریاستی قانون ساز اسمبلی کے رکن رہے ہیں جسکی وجہ سے انہیں حکومت نے سیکورٹی فراہم کی ہے۔
انہوں نے اے ڈی جی پی سیکورٹی منیر خان پر انکی زیڈ سیکورٹی واپس لینے کا الزام لگاتے ہوئے کہا کہ انکی بیلٹ پروف گاڑی کو بھی واپس لے کر ایک ٹوٹی پھوٹی 2008 ماڈل کی ایک ایمبیسڈر گاڑی سے بدلا گیا ہے، جو راجوری۔پونچھ نہیں جا سکتی ہے۔
انہوں نے چیف الیکشن کمیشن کو اس بارے میں ایک مکتوب روانہ کیا ہے، جس میں انہوں نے شکایت کی ہے کہ انکے ایک اسکارٹ کو پارلیمانی انتخاب شروع ہونے سے قبل ہی واپس لیا گیا ہے۔
مکتوب میں انہوں نے کہا کہ جب انہوں نے یہ مسئلہ اے ڈی جی پی سیکورٹی کے ساتھ اٹھایا، تو انہوں نے انکے دوسرے اسکارٹ کو بھی واپس لینے کی دھمکی دی ہے۔
بھیم سنگھ نے لزام لگایا ہے کہ اے ڈی جی پی نے انہیں مناسب سیکورٹی فراہم کرنے سے بھی انکار کیا ہے۔
انہوں نے متنبہ کیا ہے کہ اگر انہیں معقول سیکورٹی فراہم نہیں کی گئی تو وہ ایمبیسڈر کار اور سیکورٹی پولیس جیپ کو بھی واپس کریں گے۔ انہوں نے چیف الیکشن کمیشن اور وزیر اعظم سے بھی اس سلسلہ میں تحریری شکایت درج کی ہے۔
