تیسری لہر کے خدشات کے درمیان تیاریان شروع

عالمی وبا کورونا وائرس کی تیسری لہر کے خدشات کے پیش نظر جموں کشمیر میں بچوں کی دیکھ بھال کے لیے دو وارڈ قائم کیا گیا ہے، تاکہ ہنگامی حالات کا مقابلہ کیا جا سکے۔

جموں کشمیر میں کورونا وائرس کی تیسری لہر کے خدشات کے پیش نظر جموں کشمیر کے سب سے بڑے زچہ بچہ ہسپتال۔ مہاراجہ گلاب سنگھ ہسپتال شالامار جموں نے بچوں کی دیکھ بھال کے لیے چار سو بستروں پر مشتمل صلاحیت والے دو وارڈ قائم کرنے کا فیصلہ کیا ہے، تاکہ کورونا وائرس کی تیسری لہر میں ہنگامہ حالات کا مقابلہ کیا جائے بچوں کے تحفظ کو یقینی بنایا جائے۔'

مہاراجہ گلاب سنگھ ہسپتال شالامار جموں کے میڈیکل سپریٹنڈنٹ ڈاکٹر دارا سنگھ نے ای ٹی وی بھارت کے ساتھ بات کرتے ہوئے کہاکہ' جس طرح سے تیسری لہر کی بات ہورہی ہیں، اس بات کو مدنظر رکھتے ہوئے ہم نے اس ہسپتال میں بچوں کے علاج کے لیے 400 بستروں والے بیڈ پر مشتمل وارڈ قائم کیے ہیں جن میں ICU بستر ہوں گے، جبکہ تقریباً 75 فیصد بقیہ Beds کے ساتھ آکسیجن کی سہولت ہوگی۔'

انہوں نے کہاکہ تیسری لہر میں بچھے متاثر ہوسکتے ہیں اور ہمیں تیسری لہر کے لیے تیار رہنا چاہئے، تاکہ اب بچوں کو اس مہلک بیماری سے بچاسکے۔

واضح رہے کہ جموں و کشمیر میں لاک ڈاؤن کے باوجود کورونا کے کیسز میں بتدریج اضافہ دیکھنے کو مل رہا ہے، جبکہ ماہرین کاکہنا ہے کہ خطہ میں کووڈ ٹیسٹنگ میں کمی لائی گئی ہے، جس سے کورونا کیسز میں معمولی گراوٹ دیکھنے کو مل رہی ہے۔ تاہم اموات کا سلسلہ جاری ہے۔