money laundering case منی لانڈرنگ کیس میں سات تاجروں و تجارتی اداروں کے خلاف چارج شیٹ داخل

سی بی آئی کی جانب سے درج کی گئی چار ایف آئی آر کی بنیاد پر منی لانڈرنگ کی جانچ شروع کیے جانے کے بعد ای ڈی نے جموں و کشمیر کے تین تاجروں اور چار تجارتی اداروں کے خلاف چارج شیٹ داخل کی ہے۔ ED Files Chargesheet against 7 Business Entities, businessmen

جموں:انفورسمنٹ ڈائریکٹوریٹ (ای ڈی) نے بینک آف انڈیا (بی او آئی) کی بینک فراڈ سے متعلق منی لانڈرنگ کیس میں جموں و کشمیر کے سات تاجروں، اداروں کے خلاف چارج شیٹ داخل کی ہے۔ ED on Money Laundering Case

چارج شیٹ میں جن لوگوں کا نام لیا گیا ہے ان میں تین افراد اور چار ادارے شامل ہیں۔ افراد میں راج کمار گپتا، رادھیکا مہاجن اور رجت مہاجن جبکہ اداروں میں جہلم انڈسٹریز، جہلم انفرا پروجیکٹس انڈیا پرائیویٹ لمیٹڈ، آئی ڈی سود اسپات پرائیویٹ لمیٹڈ اور نیو جموں فلور ملز پرائیویٹ لمیٹڈ شامل ہیں۔ Bank of India Money Laundering Case

ای ڈی نے ایک بیان میں کہا ہے کہ منی لانڈرنگ کی روک تھام کے قانون (پی ایم ایل اے) 2002 کے تحت چارج شیٹ بینک فراڈ سے متعلق ایک معاملے میں داخل کی گئی تھی جس میں بینک آف انڈیا کے ذریعہ کل نان پرفارمنگ اثاثے (این پی اے) 91.50 کروڑ روپے کا اعلان کیا گیا تھا۔ بیان کے مطابق پرنسپل سیشن جج جموں نے 7 نومبر کو چارج شیٹ کا نوٹس لیا تھا۔

ای ڈی نے سنٹرل بیورو آف انویسٹی گیشن (سی بی آئی) کی جانب سے دائر کی گئی چار ایف آئی آر کی بنیاد پر منی لانڈرنگ کی جانچ شروع کی تھی۔