Condemnation of TV Artist's Killing: فنکاروں نے بڈگام میں ٹی وی آرٹسٹ کے قتل کی مذمت کی

وسطی ضلع بڈگام کے حشرو چاڈورہ گاؤں میں بدھ کی شام مشتبہ عسکریت پسندوں نے ایک خاتون ٹی وی ڈرامہ آرٹسٹ پر اندھا دھند فائرنگ کر کے ہلاک کر دیا تھا۔ Woman shot dead in Chadoora Budgam

بڈگام:وسطی ضلع بڈگام کے حشرو چاڈورہ گاؤں میں بدھ کی شام مشتبہ عسکریت پسندوں نے ایک خاتون ٹی وی ڈرامہ آرٹسٹ پر اندھا دھند فائرنگ کی، جس کے نتیجے میں وہ شدید زخمی ہوئی اور بعد میں ہسپتال میں دم توڑ بیٹھیں۔ اس واقعہ میں ان کا 10 سالہ کمسن بھتیجا بھی گولی لگنے سے زخمی ہو گیا جو ہسپتال میں زیر علاج ہے۔ Chadoora Artist’s Killing

وہیں جموں میں آج سموہ تھیٹر ایسوسی ایشن کی صدر انیتا چاند پوری نے اس ہلاکت کی سخت مذمت کرتے ہوئے کہا کہ امن دشمن قوتوں کی سازشیں کبھی کامیاب نہیں ہوں گی اور فنکاروں کو نشانہ بنانے سے اب ان قوتوں کو سماج میں بھی عزت نہیں ملے گی۔ انہوں نے کہا کہ اس طرح کا قتل شرمناک ہے، جہاں خواتین کو مارا جارہا ہے، یہ کوئی مذہب نہیں سکھاتا ہے۔

انہوں نے کہا کہ ایک خاتون پر حملہ کرکے بندوق بردار کیا ثابت کرنا چاہتے ہیں۔ انہوں نے کہا کہ سرکار کو اب جاگنا چاہیے کیونکہ یہ انتظامیہ کی ناکامیابی ہے، جو وہ قاتلوں کو روکنے میں ناکام ہو رہیے ہیں۔ TV artist's nephew injured in Chadoora shooting

فلم اداکار اور ڈائریکٹر مشتاق کاک نے کہا کہ یہ پہلی بار نہیں ہے، اس سے پہلے بھی اداکاروں پر حملے کیے جاتے رہے ہیں۔ انہوں نے اس ہلاکت کی سخت الفاظ میں مذمت کرتے ہوئے کہا کہ اس طرح کے حالات کیوں پیدا کیے جاتے ہیں اور بے گناہوں کو مارنے سے کیا حاصل ہوگا۔