Amarnath Yatra 2022: سالانہ امرناتھ یاترا کےلیے گیارہ اپریل سے آن لائن رجسٹریشن کا آغاز

کورونا وائرس کی وجہ سے گزشتہ دو سال سے بند امرناتھ یاترا 30 جون سے شروع ہونے جا رہی ہے۔ اس کے لیے عقیدت مند 11 اپریل سے رجسٹریشن کروا سکتے ہیں۔ Amarnath Yatra registration from april 11

مرکز کے زیر انتظام علاقے جموں و کشمیر میں کووڈ پروٹوکول کا پوری طرح خیال رکھتے ہوئے اس سال امرناتھ یاترا 30 جون سے شروع ہوگی۔ یہ یاترا روایت کے مطابق 11 اگست کو شرون پورنیما پر اختتام پذیر ہوگی۔ اسی روز رکشابندھن کا بھی تہوار ہے۔ اس سال 30 جون کو امرناتھ یاترا شروع کرنے کا فیصلہ لیفٹیننٹ گورنر منوج سنہا کی زیر صدارت میں جموں میں شری امرناتھ شرائن بورڈ کی 41ویں میٹنگ میں کیا گیا تھا۔ آئندہ شری امرناتھ یاترا کے لیے آن لائن رجسٹریشن اس ماہ کی 11 تاریخ سے شروع ہوگا۔کووڈ کے پھیلنے کی وجہ سے پچھلے دو سال سے شری امرناتھ یاترا نہیں ہو سکی تھی۔ Amarnath Yatra Will Start From June 30

انتظامیہ نے امسال یاترا کی مدت 60 روز کے بجائے 43 دنوں تک ہی رکھی ہے۔ یاد رہے کہ کورونا وائرس لاک ڈاؤن کے سبب یاترا گزشتہ دو برسوں سے منعقد نہیں ہوپائی تھی جبکہ آئن لائن اور ٹی وی کے ذریعے یاتروں کا درشن کرایا گیا تھا۔ قابل ذکر ہے کہ بیرونی ریاستوں سے لاکھوں ہندو زائرین وادی کشمیر میں سیاحتی مقامات پہلگام کی پہاڑیوں میں واقع امر ناتھ گپھا درشن کرنے کے لیے آتے ہیں۔ وہیں اس سلسلے میں 27 مارچ کو ایک میٹنگ منعقد کی گئی تھی۔