آر ایس پورہ میں ٹنل جیسا ڈھانچہ دریافت

جموں کے ضلع سانبہ میں بین الاقوامی سرحد پر بھی اس سے قبل ایک ٹنل دریافت ہوئی تھی۔ جس کو بقول ڈی جی پی دلباغ سنگھ، پاکستان، عسکریت پسندوں کو بھارت میں بھیجنے کے لئے استعمال کرتا تھا۔

جموں و کشمیر کے آر ایس پورہ سیکٹر میں سرحدی حفاظتی فورس نے ٹنل جیسے ڈھانچے کا پتا لگایا ہے جس کے بعد بی ایس ایف نے مزید تفتیش شروع کر دی ہے۔

سرحدی حفاظتی فورس کے مطابق جموں کے آر ایس پورہ سیکٹر میں بین الاقوامی سرحد کے قریب بارڈر سیکیورٹی فورس (بی ایس ایف) کے ذریعہ سرنگ جیسے ڈھانچے کا پتہ لگایا گیا ہے۔ بی ایس ایف تفتیش کر رہی ہے کہ گویا یہ ٹنل سرحد پار سے درندازی کے لئے استعمال ہوتی تھی یا نہیں۔

واضح رہے جموں کے ضلع سانبہ میں بین الاقوامی سرحد پر بھی اس سے قبل ایک ٹنل دریافت ہوئی تھی۔

جموں و کشمیر کے ڈی جی پی دلباغ سنگھ نے تب کہا تھا کہ پاکستان ٹنلوں کا استعمال کر کے عسکریت پسندوں کو بھارت میں داخل کرتا ہے۔

پولیس سربراہ نے کہا تھا کہ جموں ہمیشہ پاکستان کے نشانے پر رہتا ہے اور یہاں ماضی میں بھی کئی وارداتیں انجام دی گئیں۔

انہوں نے کہا کہ سیکورٹی فورسز کی طرف سے تمام تر اقدام کئے جار ہے ہیں۔