دیوسر: دیوار گرنے سے مزدور کی موت

دیوسر سوپٹ قاضی گنڈ میں پرانے مکان کو منہدم کرنے کے دوران دیوار گرنے کے سبب ایک مزدور کی موت ہوگئی ہے۔

جنوبی کشمیر کے ضلع کولگام کے ٹینگ پورہ سوپٹ قاضی گنڈ میں اس وقت کہرام مچ گیا جب پرانے مکان کو منہدم کرنے کے دوران اچانک دیوا گر گئی اور اس کی زد میں آنے سے مزدور کی موت ہوگئی۔

مزدور کو فوری طور پر ہسپتال منتقل کیا گیا تھا لیکن ڈاکٹروں نے اسے مردہ قرار دیا ۔ پولیس نے اس معاملے میں کیس درج کر لیا ہے۔