پونچھ میں گاڑی نذر آتش، معاملہ درج

جموں و کشمیر کے سرحدی ضلع پونچھ میں مینڈھر سب ڈویژن کے علاقے سلواہ میں گزشتہ رات زائلو گاڑی کو کچھ شرپسندوں نے نذر آتش کیا۔

ذرائع نے بتایا کہ مینڈھر سے گیارہ کلومیٹر دور سلواہ گاؤں میں پراسرار حالات میں زائلو گاڑی کو اچانک آگ لگ گئی جس کی وجہ سے گاڑی مکمل خاکستر ہوگئی۔

پونچھ میں گاڑی نذر آتش، معاملہ درج

ذرائع نے مزید بتایا کہ اطلاع ملنے کے بعد پولیس کی ٹیم موقع پر پہنچ گئی۔ پولیس کے پہنچنے سے پہلے ہی گاڑی مکمل طور پر خاکستر ہوگئی تھی۔

پولیس کے اعلیٰ افسر نے بتایا کہ 'ہمیں اطلاع ملی تھی کہ گاڑی کو اگ لگی ہوئی ہے اور ہم نے فو ری طور پر ایک ٹیم کو موقعہ پر روانہ کیا تھا لیکن ٹیم کے پہنچنے سے قبل ہی گاڑی جل گئی تھی۔ تاہم ہم نے نامعلوم افراد کے خلاف مقدمہ درج کر لیا ہے اور معاملے کی تحقیقات شروع کر دی ہے۔'