کووڈ ہسپتال کالونی میں بجلی ٹرانسفارمر نصب

ضلع پلوامہ کے کووڈ ہسپتال کالونی میں انتظامیہ کی جانب سے بجلی ٹرانسفارمر کی تنصیب پر مقامی باشندوں نے خوشی کا اظہار کیا۔

پلوامہ:مرکز کے زیر انتظام یوٹی جموں و کشمیر کے ضلع پلوامہ میں واقع میونسپل کونسل کی جانب سے کووڈ ہسپتال کالونی میں ایک بجلی ٹرانسفارمر نصب کیا گیا۔ علاقے کے لوگوں کو اس حوالے سے کافی مشکلات درپیش تھیں۔ ٹرانسفامر کی تنصیب سے علاقے کے لوگوں کافی خوش نظر آئے۔ اس کا افتتاح سابقہ میونسپل کونسل چیئر پرسن شبنم نظیر نے علاقے کے لوگوں اور محمکہ بجلی کے افسران کی موجودگی میں کیا۔ انہوں نے بتایا کہ اس منصوبے پر تقریباً 10 لاکھ سے زائد روپے کی لاگت آئی ہے جس سے اب عوام کو 'بلا خلال' بجلی فرم کی جائے گی۔

اس موقعے پر سماجی کارکن مزمل احمد نے ضلع ترقیاتی کمشنر پلوامہ کا شکریہ ادا کیا اور کہا کہ ان کی کوششوں کی وجہ سے اس بجلی ٹرانسفارمر کو نصب کروانے میں کامیابی ملی۔ انہوں نے کہا کہ یہ علاقہ پچھلے کئی برسوں سے بجلی ٹرانسفامر نصب کرنے کی مانگ کر رہا تھا جس کو آج پورہ کیا گیا۔

مقامی باشندوں نے بھی ٹرانسفارمر کے افتتاح ہونے پر خوشی کا اظہار کیا۔ ان کا کہنا ہے کہ اس انتظامیہ کے اس قدم سے ہماری پریشانیاں کچھ حد تک دور ہو سکتی ہیں۔ ہم نے انتظامیہ کی توجہ اس جانب مبذول کرانے کی بھر پور کوشش کی تھی۔ انتظامیہ نے ہمارے مطالبات کو پورا کیا۔ اس پر بے حد خوشی ہوئی۔