سوپور میں ہلاک شدہ سی آر پی ایف اہلکاروں کو خراج تحسین

شمالی کشمیر کے سوپور علاقے میں گزشتہ روز عسکریت پسندوں کے حملے میں ہلاک ہوئے تین نیم فوجی اہلکاروں کو اتوار کو پولیس اور سی آر پی ایف کے دستوں نے سلامی دے کر انہیں خراج عقیدت پیش کیا۔

یہ تقریب ضلع بڈگام کے ہمہامہ میں واقع سی آر پی ایف کے تربیتی سینٹر میں منعقد کی گئی، جس میں سی آر پی ایف انسپکٹر جنرل یاجیش یادو اور کشمیر زون کے پولیس انسپکٹر جنرل وجے کمار شامل تھے۔

غور طلب ہے کہ سوپور میں سنیچر کو سی آر پی ایف کے اہلکاروں پر عسکریت پسندوں نے حملہ کرکے تین اہلکاروں کو ہلاک اور دیگر دو کو زخمی کیا۔

سی آر پی ایف کا کہنا ہے کہ یہ ہلاک شدہ اہلکار کووڈ ۱۹ کے پھیلاؤ کو روکنے کیلئے جاری لاک ڈاون کیلئے وہاں تعینات تھے ۔

پولیس کا کہنا ہے کہ موٹر سائکل پر سورا نامعلوم عسکریت پسندوں نے ان اہلکاروں پر گولیاں چلائی اور خود فرار ہونے میں کامیاب ہوگئے۔