کشمیر: مہاجر پرندوں کی حفاظت کے لیے مدد کی کوشش

موسم سرما کی آمد کے ساتھ ہی کشمیر کے آبی پناہ گاہوں کو چار چاند لگانے کیلئے ہر سال لاکھوں میں مہاجر پرندے مختلف ممالک سے آتے ہیں۔

چوکہ مہاجر پرندوں کی وادی کشمیر کی طرف آمد شروع ہوگئی ہے تو اس سلسلے میں وائلڈ لائف پروٹیکشن ڈیپارٹمنٹ (ڈبلیو پی ڈی) نے جنگلات کی حفاظت کرنے والی فورس اور پولیس سے پرندوں کے شکار ،قید اور فروخت کو روکنے کے لیے مدد طلب کی ہے۔

سردیوں میں رہنے کے لئے سائبریا اور وسطیٰ ایشیاء کے ساتھ ساتھ دیگر ممالک سے کشمیر آنے والے مہاجر آبی پرندوں کی آمد کا سلسلہ نومبر کے پہلے ہفتے سے ہی شروع ہوجاتا ہے اور اب تک کشمیر کے مختلف آبی پناہ گاہوں میں لاکھوں کی تعداد میں مہاجر پرندے پہنچ گئے ہیں۔

ڈبلیو پی ڈی نے ایک بیان میں کہا کہ' عام لوگوں کو بتایا جاتا ہے کہ انڈین وائلڈ لائف پروٹیکشن ایکٹ 1972 کے تحت پرندوں کا غیر قانونی شکار، قید اور فروخت کا کام قابل سزا ہے۔ جو بھی شخص ان پرندوں کا شکار، قید یا بیچنے کا کام کرتا ہے وہ ایک سال قید کی سزا کا بھی پابند ہے۔

اس میں کہا گیا ہے کہ ان پرندوں کا شکار، قید یا بیچنا غیر قابل ضمانت اور غیر مجاز جرم ہے۔

بیان میں کہا گیا ہے کہ ' محکمہ جنگلات کی حفاظت کرنے والی فورس اور مقامی پولیس سے کشمیر کے آبی علاقوں میں ان پرندوں کے شکار ، قید اور فروخت کو روکنے کے لیے مدد طلب کرتا ہے۔'

ماہرین کا کہنا ہے کہ یہ پرندے کشمیر کے ایکو سسٹم کو برقرار رکھنے میں مدد گار ثابت ہوتے ہیں اس لیے ان سے اُتنی ہی محبت کی جانی چاہئے جتنی ہم اپنے بچوں کے ساتھ کرتے ہیں ۔ماہرین کے مطابق ڈل جھیل کے پانی میں مچھروں کی تعداد زیادہ ہوتی ہے اور یہ پرندے نہ صرف یہاں آکر ان مچھروں کو کھاتے ہیں بلکہ مضر صحت کیڑے مکوڑوں کو کھا کر یہاں کے ایکو سسٹم کو کنٹرول کر کے واپس چلے جاتے ہیں