ای ٹی وی بھارت کے نمائندے کے مطابق ڈسٹرکٹ لیگل سروسز پلوامہ نے ڈگری کالج کے باہمی اشتراک سے پروگرام کا انعقاد کیا۔
نمائندے نے بتایا کہ ڈسٹرکٹ لیگل سروسز پلوامہ کے ملازمین، ڈگری کالج کے پرنسپل اور دیگر ملازمین و طلباء نے پروگرام میں شرکت کی۔
دریں اثناء سیشن کورٹ کے جج محمد الطاف خان نے مہمان خصوصی کے طور پر پروگرام میں شرکت کی۔
اس موقع پر سیشن کورٹ کے جج الطاف حسین نے کہا کہ ایسے پروگرام کرنے کا مقصد لوگوں تک قانون کے حوالے سے صحیح معلومات فراہم کروانا ہے۔
انہوں نے کہا ہم نہ صرف سکولز اور کالجز میں ایسے پروگرامز کا انعقاد کر رہے ہیں بلکہ آنے والے وقت میں ہم گاؤں گاؤں جا کر ایسے پروگرام منعقد کریں گے تاکہ لوگوں میں قانون کے تئیں بیداری آئے۔
