گاندربل میں نوجوانوں کے لئے موبائل ریپئیرنگ اور ٹور اینڈ ٹریولس کورسز گاندربل: جموں و کشمیر کے گاندربل ضلع میں ایس ایس بی کے 13 ویں بٹالین کی جانب سے مقامی باشندوں، نوجوان لڑکوں اور لڑکیوں کے لئے موبائل ریپئیرنگ کورس اور ٹوراینڈٹریولس کورس کے لئے ورکشاپ کا اہتمام کیا گیا۔ ورکشاپ کا مقصد بے روزگار نوجوانوں کو خودکیفل بنانا اور نوکری کے ذرائع پیدا کرناہے۔ نوجوانوں کے درمیان اس ورکشاپ سے تئیں جوش و خروش پایا گیا۔
وادی کشمیر میں جہاں فوج کے ساتھ ساتھ پیرا ملٹری فورسز کی جانب سے بھی عوام دوست پالیسیوں کے تحت مختلف پروگراموں کا اہتمام کیا جاتا ہے۔ وہیں اس سلسلے کو آگے بڑھاتے ہوئے ایس ایس بی کے 13 ویں بٹالین دگنیبل ہیڈکوارٹر نے ایک این جی او جموں کشمیر یوتھ ڈیولپمنٹ فورم انسٹی ٹیوٹ بہامہ، گاندربل میں موبائل ریپیئرنگ کورس اور ٹور اینڈ ٹریولس کنسلٹنٹ کورس کے لئے ورکشاپ کا انعقاد کیا۔ 33 روزہ ٹور کنسلٹنٹ کورس میں 25 نوجوان جن میں 24 لڑکیاں اور ایک لڑکا حصہ لے رہے ہیں۔ جبکہ 50 روزہ موبائل ریپیئرنگ کورس میں 20 لڑکے حصہ لے رہے ہیں۔
ایس ایس بی کے 13 ویں بٹالین کے کمانڈنٹ کمل کانت افتتاحی تقریب کے مہمان خصوصی تھے۔اس موقع پر وریندر سنگھ چودھری ڈپٹی کمانڈنٹ نے خطبہ استقبالیہ پیش کرتے ہوئے کورسز پر مختصر روشنی ڈالی گئی۔ بٹالین کے کمانڈنگ آفیسر کمل کانت نے کورس کے فوائد کے بارے میں لڑکیوں اور لڑکوں سے خطاب کرتے ہوئے کہا کہ کورس کی تکمیل کے بعد نوجوان موبائل ریپئرنگ، ٹورسٹ گائیڈ، ٹریول کنسلٹنٹ، ٹور مینیجر وغیرہ میں خود روزگار کمانے کے قابل ہوںگے ۔انہوں نے نوجوانوں کو مشورہ دیا کہ وہ دلچسپی لیں اور دل لگاکر سیکھیں تاکہ زندگی میں کچھ بہتر کر سکیں۔
یہ بھی پڑھیں:NGO Felicitates Athletes in Sopore: اسپورٹس کو فروغ دینے کے لیے ڈاک بنگلوو سوپور میں خصوصی پروگرام کا اہتمام
پروگرام کے دوران سوم ناتھ، سیکنڈ ان کمانڈ، وریندر سنگھ چودھری ڈپٹی کمانڈنٹ، محمد حسنین ڈپٹی کمانڈنٹ، سندیپ راول اسسٹنٹ کمانڈنٹ اور جموں کشمیر یوتھ ڈیولپمنٹ فورم انسٹی ٹیوٹ کے صدر کے ساتھ ساتھ مقامی نوجوانوں،موبائل ریپئرنگ کورس اور ٹورسٹ ٹریول کنسلٹنٹ کورس سیکھنے والے سبھی لڑکے اور لڑکیاںموجود تھے۔
