ٹاٹا سومو گہری کھائی میں گری،ایک ہلاک متعدد زخمی

جموں و کشمیر کے ضلع رامبن میں زیر تعمیر سیری بلہوت رابطہ پر ایک سڑک حادثہ میں ایک ہلاک جبکہ گیارہ افراد جن میں دو خواتین اور ایک شیر خوار بچی شامل ہے شدید طورپر زخمی ہو گئے جن میں چار کی حالت تشویشناک بتائی جاتی ہے۔

پولیس ذرائع کے مطابق ٹاٹا سومو نمبر JK19-0975 رامبن سے بلہوت جارہی تھی کہ قریب شام کے سات بجے سیری بلہوت زیر تعمیر سڑک سیلا کے مقام پر ڈرائیورکے توازن خراب ہونے کی وجہ سے حادثہ کا شکار ہوگئی۔

گاڑی سڑک سے لڑھک کر 500 فٹ گہری نالے میں جار گری، اس میں سوار ڈرائیور سمیت گیارہ زخمیوں کو مقامی لوگوں، آرمی اور پولیس نے ضلع ہسپتال رامبن منتقل کیا۔

زخمیوں میں دو عورتیں ایک شیر خوار بچی شامل ہے۔

ایک زخمی کے مطابق گاڑی میں گنجائش سے زائد ڈرائیور سمیت 13 سواریاں تھیں اور گاڑی گہری کھائی میں گرگئی۔

رامبن تھانہ پولیس نے معاملہ درج کر کے تحقیقات شروع کر دی ہے۔