شاہ گنڈ سوناواری سے تعلق رکھنے والی خواتین ہاتھوں میں ڈنڈے اور لاٹھیاں اٹھا کر بجلی محکمے کے دفتر میں داخل ہو گئیں-
ان کا کہنا تھا کہ 'ان کے علاقے میں بجلی کی سپلائی کا کوئی انتظام نہیں ہے۔ متعدد بار انہوں نے انتظامیہ کو اس بارے میں آگاہ کیا۔ تاہم ان کے کانوں پر جوں تک نہیں رینگی ہے-'
ان کا ماننا تھا کہ اب وہ اپنا حق حاصل کرنے کے لیے اپنے ہاتھوں میں ڈنڈے اور لاٹھیاں اٹھانے کے لیے مجبور ہو گئی ہیں-
دراصل محکمہ آبپاشی ان کو نہر کے اوپر بجلی کے کھمبے نصب کرنے کی اجازت نہیں دے رہا تھا جس کی وجہ سے انہوں نے ایگزیکیوٹیو انجینیئر آرگنائزیشن کے دفتر میں جا کر زبردست احتجاج کیا-
ای ٹی وی بھارت سے بات کرتے ہوئے محکمہ آبپاشی کے ایگزیکیوٹیو انجینیئر مستحسن صحاف نے کہا کہ 'وہ ان کا مسئلہ فوراً حل کریں گے۔'
