خاتون ایس پی او کی شناخت 17 برس کی خوشبو جان ولد ایوب بھٹ کے طور پر ہوئی ہے۔
جنوبی کشمیر کے شوپیاں ضلع میں ہفتے کے روز نامعلوم بندوق برداروں نے ایک خاتون سپیشل پولیس آفیسر(ایس پی او) کو گولیاں مار کر ہلاک کردیا۔
سرکاری ذرائع نے بتایا کہ شوپیاں کے وہیل گاؤں میں ہفتےکے روز نامعلوم اسلحہ برداروں نے ایک خاتون ایس پی او پر ان کے گھر میں گھس کرگولیاں برسائیں جس کے نتیجے میں وہ شدید زخمی ہوگئیں۔
انہوں نے بتایا کہ خاتون ایس پی او کو فوری طور نزدیکی ہسپتال منتقل کیا گیا جہاں وہ زخموں کی تاب نہ لانے کے باعث دم توڑ بیٹھی تاہم مقامی لوگوں کا کہنا ہے کہ وہ موقعپر ہی ہلاک ہوگئی تھیں۔
مہلوک خاتون ایس پی او کی شناخت خوشبو جان بنت منظوراحمدساکن وہیل شوپیاں کے طور پر ہوئی ہے۔ انہوں نے بتایا کہ فوج جائے واردات تک پہنچ گئی ہے اور پورے علاقے کو محاصرے میں لے لیا گیا ہے۔
دریں اثنا ایک پولیس آفیسر نے کہا کہ شوپیاں کے وہیل گاؤں میں ہفتےکے روز دن کے قریب ڈھائی بجے مشتبہ بندوق برداروں نے خوشبو جان نامی ایک خاتون ایس پی او پر گولیاں برسا ئیں جس کے نتیجے میں وہ شدید زخمی ہوئیں۔
انہوں نے بتایا کہ خوشبوکو زخمی حالت میں ہسپتال منتقل کیا گیا جہاں وہ دم توڑ بیٹھی۔
