جنگ بندی کی خلاف ورزی کے دوران خاتون زخمی - cross LoC firing in Rajouri
جموں ڈیویژن کے ضلع راجوری میں لائن آف کنٹرول پر بھارت اور پاکستان کی فوج کے درمیان فائرنگ کے تبادلے میں اتوار کی شام ایک 40 سالہ خاتون زخمی ہوگئی۔
جنگ بندی کی خلاف ورزی کے دوران خاتون زخمی
اطلاعات کے مطابق سرحد پار سے راجوری کے نوشہرہ سیکٹر میں اتوار کی صبح سے فائرنگ کا آغاز ہوا اور مینڈھر ، کرشن گھاٹی اور پونچھ سیکٹرز میں رات بھر فائرنگ ہوئی۔
ایک پولیس عہدیدار نے بتایا کہ اتوار کی رات نوشہرہ سیکٹر میں ایک گھر کے قریب شیل پھٹنے سے شینا مکڑی گاؤں کے رہائشی دیو راج کی اہلیہ نینا دیوی زخمی ہوگئی۔
اس واقعے کے فورا بعد ہی زخمی خاتون کو فوری طور پر قریبی اسپتال لے جایا گیا جہاں اس کی حالت بہتر بتائی گئی ہے۔
اس سے قبل ہی دفاعی ترجمان نے کہا تھا کہ ’ پاکستان نے نوشہرہ سیکٹر میں مارٹرز سے فائرنگ اور ریزورٹس کی شیلنگ شروع کردی۔بھارتی فوج نے بھرپور جوابی کارروائی کی۔