ترال: خاتون نے کی خود کشی

وادی کشمیر میں جہاں پہلے ہی نامساعد حالات نے لوگوں کے قلوب و اذہان کو زبردست متاثر کیا ہے، لیکن اب مسلسل لاک ڈاؤن کی وجہ سے عام لوگوں میں ڈپریشن اور دوسری نفسیاتی بیماریوں میں مزید اضافہ ہو رہا ہے، جس کی وجہ سے خود کشی کا رجحان بڑھ رہا ہے۔

آج جنوبی کشمیر کے دیور ترال کی رہنے والی ایک 27 سالہ خاتون نے خودکشی کر کے اپنی زندگی کا خاتمہ کر دیا گیا ہے۔

اس ضمن میں ای ٹی وی بھارت کو معلوم ہوا ہے کہ اس خاتون نے گزشتہ روز کوئی زہریلی شے کھا کر خود کشی کی کوشش کی جسکے بعد اسکو سب ڈسٹرکٹ اسپتال ترال میں داخل کیا گیا۔

تاہم وہاں ڈاکٹروں نے خاتون کی حالت تشویش ناک دیکھ کر انہیں ایس ایم ایس ایچ سرینگر روانہ کیا جہاں وہ آج صبح اپنی زندگی کی جنگ ہار گئی۔

ایس ایچ او ترال جی ایم راتھر نے نمائندے کو فون پر بتایا کہ ترال پولیس نے معاملے کی نسبت کیس درج کر کے تحقیقات شروع کردی ہے۔