ویری ناگ میں ریچھ کو پکڑ لیا گیا

جنوبی کشمیر کے اننت ناگ ضلع کے بدرمونا ویری ناگ میں محکمہ وائلڈ لائف کے اہلکاروں نے منگل کی صبح ایک ریچھ کو پکڑ لیا۔

اطلاعات کے مطابق علاقے میں دو دنوں جنگلی ریچھ کی موجودگی سے خوف و ہراس پھیل گیا تھا۔ لوگ شام اور صبح کے اوقات میں گھروں سے باہر نکلنے میں خوف محسوس کرتے تھے۔

وہی علاقے میں کھیتی باڑی کے لئے بھی دو دنوں سے لوگ نہیں جا رہے تھے۔جب علاقے کے لوگوں نے ریچھ کے پکڑے جانے کی خبر سنی تو ہزاروں کی تعداد میں لوگوں کی بھیڑ ریچھ دیکھنے کے لئے جمع ہو گئی۔

لوگوں نے ریچھ کو پکڑے دیکھ کر راحت کی سانس لے لی۔محکمہ وائلڈ لائف کے ایک اہلکار نے ای ٹی وی بھارت کو بتایا کہ جنگلی ریچھ کو پکڑنے کے لئے جال بچھایا گیا تھا۔