کسانوں نے راحت کی سانس لی

وادیٔ کشمیر کے دیگر حصوں سمیت اننت ناگ کے مختلف مقامات پر بارشوں کا سلسلہ جاری ہے۔

تفصیلات کے مطابق 26 اور 27 کی درمیابی شب پہاڑی علاقوں میں شدید جبکہ میدانی علاقوں میں درمیانہ درجہ کی بارش شروع ہوئی جو ابھی بھی جاری ہے۔

ادھر محکمۂ موسمیات نے یوٹی لداخ سمیت 26 اور 27 اگست کے دوران جزوی طور پر موسم ابر آلود رہنے اور بارشیں ہونے کی پیش گوئی کی ہے۔ وہیں پہاڑی علاقوں میں سیلابی صورتحال، زمین کھسکنے (لینڈ سلائڈ) اور کھڑی فصلوں کو نقصان پہنچنے کا اندیشہ ہے۔وہیں بارش کے بعد لوگوں کو شدت کی گرمی سے راحت مل گئی ہے، تقریباً چار ماہ بعد بارش ہونے سے طویل خشک سالی سے نجات ملنے کے بعد زمین دار طبقہ مسرت کا اظہار کر رہا ہے۔