کشتواڑ: پانی کی قلت سے عوام پریشان

کشتواڑ کے دور دراز علاقہ پاڈر، اٹھولی گڑھ میں پچھلے کئی برسوں سے پانی کی سخت قلت ہونے سے لوگ در بدر کی ٹھوکریں کھانے پر مجبور ہوتے جا رہے ہیں۔

مقامی لوگوں کا کہنا ہے کہ مودی سرکار ایک طرف بڑے بڑے دعوے کرتی ہے کہ گھر گھر نل گھر گھر پانی پہنچایا جائے گا لیکن ہم لوگ پانی کی بوند بوند کے لیے ترس رہے ہیں۔

انہوں نے مزید کہا کہ یہاں کئی کلو میٹر ندی نالوں سے پانی لانا پڑتا ہے اور پورا دن اسی پانی کو لانے میں گزرتا ہے۔

مقامی شخص سندیپ سولنکی نے کہا کہ پانی کی قلت کے بارے میں متعلقہ محکمہ کو کئی مرتبہ آگاہ کیا گیا۔ تاہم محکمہ ٹس سے مس نہیں ہوا۔

اس تعلق سے ای ٹی وی بھارت کے نمائندہ نے جل شکتی کے ایکسین کو فون پر رابطہ کر کے جانکاری دی جس میں انہوں نے کہا کہ لوگوں کی اس پریشانی کو جلد از جلد دور کیا جائے گا۔