گاندربل: مرکز کے زیر کے انتظام یوٹی جموں و کشمیر میں لوک سبھا انتخابات 2024 کے مدنظر ضلع گاندربل میں ووٹر بیداری مہم کا با قاعدہ آغاز کیا گیا۔ ڈپٹی ڈسٹرکٹ الیکشن آفیسر گاندربل نے جھنڈی دکھا کر روانہ کیا۔ اس موقعے پر ضلع الیکشن آفس گاندربل کے سرشار افسران اور اہلکاروں کی ایک ٹیم بھی موجود تھی۔
الیکٹرانک ووٹنگ مشین ای وی ایم ) اور وی وی پی اے ٹی کی نمائشی مہم 29 فروری 2024 تک جاری رہے گی۔ مہم کا مقصد ووٹروں کو ای وی ایم اور وی وی پی اے ٹی کے استعمال اور انتخابی عمل میں ان کی اہمیت کے بارے میں آگاہ کرنا ہے۔ اس مدت کے دوران ٹیم ضلعی سطح کے ماسٹر ٹرینرز کے ساتھ تمام 123 پولنگ مقامات کا دورہ کرے گی۔اس میں ضلع بھر کے 260 پولنگ سٹیشنوں کا احاطہ کیا جائے گا تا کہ اسی وی ایم کے ذریعہ ووٹنگ کے عمل کا مظاہرہ کیا جاسکے۔