کرافٹ کاروباری افراد کے لیے 22 دسمبر کو ورچوئل ورکشاپ

ایکسپورٹ رجسٹریشن سے دستکاری صنعتکاروں کو فارن ٹریڈ پالیسی کے تحت مختلف فوائد حاصل ہوں گے۔ وہیں انہیں بین الاقوامی بازار میں دنیا بھر کے ایکسپورٹروں کے نیٹ ورک کا حصہ بننے میں بھی مدد مل سکتی ہے۔

ڈائریکٹوریٹ آف ہینڈی کرافٹس اینڈ ہینڈلوم کشمیر کی جانب 22 دسمبر سے ورچوئل ورکشاپ کا انعقاد عمل میں لایا جارہا ہے۔

اس ضمن میں متعلقہ محکمہ نے دستکاری مصنوعات کے ساتھ وابستہ افراد کو جموں و کشمیر ٹریڈ پروموشن آرگنائزیشن (جے کے ٹی پی او) اور ڈائریکٹر جنرل فارن ٹریڈ یعنی ڈی جی ایف ٹی کی جانب سے مشترکہ طور منعقد کئے جارہے ورچوئل ورکشاپ میں شرکت کرنے کے لئے کہا ہے۔

منقعد کئے جارہے ورچوئل ورکشاپ کے ناظم ہینڈی کرافٹس اینڈ ہینڈ لوم مسرت الاسلام نے صنعتکاروں، کاریگروں، بنکروں اور دستکاری صنعت سے وابستہ دیگر متعلقیں کو جے کے ٹی پی او کی سرکاری ویب سائٹ www.jktpo.in پر اپنا اندارج کرنے کے لیے کہا ہے تاکہ ڈیجیٹل طریقۂ کار کے ذریعے منعقد ورکشاپ میں شمولیت کی جاسکے۔

ایکسپورٹ رجسٹریشن سے دستکاری صنعتکاروں کو فارن ٹریڈ پالیسی کے تحت مختلف فوائد حاصل ہوں گے۔وہیں انہیں بین الاقوامی بازار میں دنیا بھر کے ایکسپورٹروں کے نیٹ ورک کا حصہ بننے میں بھی مدد مل سکتی ہے۔

ورکشاپ کے دوران دستکاری مصنوعات سے وابستہ افراد کو ڈی جی ایف ٹی میں ایکسپورٹ رجسٹریشن کے لئے لازمی دستاویزات اور طریقہ کار کے بارے میں بھی جانکاری دی جائے گی۔

واضح رہے کہ متعلقہ محکمے نے وادیٔ کشمیر میں ہاتھ سے تیار کئے گئے دستکاری مصنوعات درآمد کو فروغ دینے کے لئے زائد از 350 رجسٹریشن اور ممبر شپ اسناد جاری کی ہیں۔