صوفی شاعر رجب حامد کا گاؤں بنیادی سہولیات سے محروم

جنوبی کشمیر کے ترال علاقے میں واقع ستورہ گاؤں جو کہ مشہور صوفی شاعر رجب حامد کا آبائی گاؤں ہے جو بنیادی سہولیات سے محروم ہے جسکی وجہ سے عوامی حلقوں میں زبردست مایوسی پائی جا رہی ہے۔

سرینگر سے تقریباً ساٹھ کلومیٹر دور ستورہ گاؤں خوبصورت پہاڑیوں میں آباد ہے اس گاؤں میں جہاں حضرت سید محمد بخاری کی زیارت گاہ موجود ہے وہیں یہ گاؤں معروف صوفی شاعر رجب حامد کا آبائی گاؤں ہے جس نے اسی گاؤں میں آنکھ کھولی اور یہیں وہ مدفون ہیں ۔

تاہم جنوبی کشمیر کے اس معروف شاعر کے گاؤں میں ان کے نام پر سوائے ان کے مقبرے کے کچھ نہیں ہے حالانکہ انتظامیہ شعراء کے نام پر یادگاریں تو تعمیر کر رہی ہیں لیکن یہاں صورتحال برعکس ہے مرحوم شاعر کے مقبرے پر کلچرل اکادمی نے کتبہ نصب کر کے گویا حاتم طائی کی مثال قائم کی ہے۔

مقامی لوگوں کے مطابق جہاں سرکار شعراء کے نام پر کروڑوں روپے خرچ کر رہی ہے وہیں اس گاؤں میں بنیادی سہولیات کا فقدان ہے۔

ایک مقامی شہری بشیر احمد نے ای ٹی وی بھارت کو بتایا کہ یہ گاؤں اہمیت کا حامل تو ہے لیکن سرکاری نظروں سے اوجھل ہے کیونکہ گاؤں میں بجلی اور پانی کی فراہمی نہ ہونے کے برابر ہے۔

ایک اور شہری مظفر نے بتایا کہ انتظامیہ نے جہاں سوچھ کرال اور وہاب صاحب کھار جیسے شعراء کے نام پر یادگاریں قائم کی ہیں وہیں رجب حامد کے نام پر اب تک کچھ بھی تعمیر نہیں کیا گیا ہے جو کہ بدقسمتی کے سوا کچھ بھی نہیں ہے۔

ایک نوجوان عرفان نے بھی گاؤں میں بنیادی سہولیات کا فقدان ہونے پر اپنی ناراضگی اظہار کرتے ہوئے رجب حامد کے سجادہ نشین ندئم الطاف نے ای ٹی وی بھارت کو بتایا کہ اتنے بڑے شاعر کو سرکاری طور پر آج تک نظر انداز کیا گیا ہے کیونکہ پانچ سال قبل اکادمی نے مرحوم حامد کے کلام کو چھاپنے کی باپت کلام تو لے لیا لیکن اب تک شائع نہیں ہوا۔

ندئم الطاف کے مطابق رجب حامد کا مہشور زمانہ کلام افسوس دنیا کانسہ نا لب سمسار ساتی مختلف زبانوں میں ترجمہ تو ہوا ہے لیکن کشمیر میں انکے کلام کو پزیرائی نہیں دی جا رہی ہے جو کہ ایک مایوس کن امر ہے۔

ندئم الطاف نے مطالبہ کیا کہ رجب حامد کے نام پر ایک یادگار قائم کی جائے۔