رامبن: دریائے چناب سے نامعلوم شخص کی لاش برآمد

ضلع رامبن کے کہوباغ علاقے میں سنیچر کے روز ایک نامعلوم شخص کی لاش برآمد کی گئی۔ پولیس نے لاش کو ضلع اسپتال روانہ کردیا ہے۔

جموں و کشمیر کے ضلع رامبن کے کہوباغ علاقے میں سنیچر کے روز دریائے چناب سے ایک نامعلوم شخص کی لاش برآمد ہوئی ہے۔ پولیس کے مطابق یہ لاش ایک مرد کی ہے اور اس کی عمر تقریباً 35 برس ہے۔

مقامی پولیس نے لاش کو ضلع اسپتال رامبن میں شناخت کے لیے منتقل کردیا ہے۔ اندیشہ ظاہر کیا جارہا ہے کہ دریائے چناب سے متصل قومی شاہراہ پر پیش آئے کسی سڑک حادثے کے سبب یہ شخص دریا میں جاگرا ہوگا اور کوئی مدد نہ ملنے کی وجہ سے ڈوب کر ہلاک ہوگیا۔

فی الحال مقامی پولیس نے دفعہ 174 کے تحت تفتیشی کارروائی شروع کر دی ہے۔