اس واقع کی وجہ سے علاقے میں تشویش کی لہر دوڑ گئی ہے۔
تفصیلات کے مطابق شرپسندوں نے آننت ناگ میں اجے رینہ نامی پنڈت کے میوہ باغ میں کئی درختوں کو نقصان پہنچایا ہے۔
مقامی لوگوں نے اس دلخراش واقع کی مذمت کی ہے اور اس میں ملوث افراد کو سخت سے سخت سزا دینے کا مطالبہ کیا ہے۔
محکمہ مال کے اہلکاروں نے بھی باغ کا معائنہ کیا اور پولیس نے بھی واقع کا نوٹس لے کر کیس درج کر لیا اور تحقیقات شروع کر دی ہیں۔
واضح رہے کہ اجے رینہ نامی پنڈت 1989 میں کشمیر چھوڑ کر چلے گئے تھے اور اس وقت خود جموں میں مقیم ہیں۔
تاہم مقامی لوگ ان کے اس باغ کی دیکھ ریکھ کر رہے ہیں۔علاقے کے لوگوں نے پولیس و انتظامیہ سے واقع کی تحقیقات کا مطالبہ کیا ہے۔
