جموں و کشمیر کے لئے مرکزی حکومت کے ذریعے شروع کیے گیے عوامی رسائی پروگرام کے تحت مرکزی وزیر برائے فُوڈ پروسیسنگ انڈسٹری رامیشور تیلی نے آج ضلع رامبن کے کنٹھی میں عوامی ریلی سے خطا ب کیا۔
انکے ہمراہ پرائیویٹ سیکرٹری وریندر متل، ڈپٹی کمشنر ناظم زائی خان، ایس ایس پی رامبن انیتا شرما، ڈائریکٹر ہارٹیکلچر راج کمار کٹوچ اور دوسرے ضلعی افسران موجود تھے۔
اس موقع پر وزیر موصوف نے تعمیر شدہ 100 بیڈوں کے گرلز ہاسٹل کا افتتاح انجام دیا جس کی تعمیر پر 2.82 کروڑ روپے کی لاگت آئی ہے۔
انہوں نے کہا کہ وہ اپنی طرف سے جموں کشمیر کی ترقی کے لیے پوری کوشش کریں گے تاکہ یہاں کے لوگوں کو روزگار ملیں۔
انہوں نے مزید کہا کہ جموں وکشمیر کو ایک ترقی یافتہ مرکزی خطہ بنانے کے لئے تمام پہلوؤں میں امکانات تیار کرنے کے علاوہ ملک کے وزیر اعظم نریندر مودی نے وزراء سے عوام کے پاس جانے اور ان کی مشکلات اور خواہشات کا جائزہ لینے کے احکامات دئے ہیں۔