نامعلوم بندوق برداروں نے سابق فوجی کو ہلاک کیا

جموں وکشمیر کے ضلع کولگام کے بچرو علاقے میں نامعلوم بندوق برداروں نے عبد الحمید نامی سابق فوجی کو گولیوں کا نشانہ بنا دیا۔

جنوبی کشمیر کے کولگام ضلع کے بچروو علاقے میں نامعلوم مسلح افراد نے سابق فوجی اہلکار عبد الحمید ولد مرحوم غوث حسن نامی شخص پر فائرنگ کی جس کے نتیجہ میں وہ شدید زخمی ہوا۔ اگرچہ زخمی شخص کو زخمی حالت میں پی ایچ سی پہنچایا گیا تاہم ڈاکٹروں نے مزید علاج و معالجہ کے لیے انہیں آرمی ہسپتال سرینگر منتقل کیا جہاں آج صبح اس کی موت ہوئی۔

مقامی ذرائع کے مطابق زخمی شُدہ شخص نے 1990 میں عسکری تنظیم میں شمولت اختیار کی تھی لیکن بعد میں انہوں نے سرکاری بندوق برداروں(اخوان) کے گروپ میں شمولیت کی۔

بعدازاں سرکار کی طرف سے کئی اخوانوں کو فوج میں برتی کیا گیا۔

کولگام پولیس کے ایس ایس پی گوریندر سنگھ کے مطابق حملہ آوروں کو پکڑنے کے لئے پورے علاقے کو گھیرے میں لیا گیا ہے۔

واضح رہے کولگام میں گزشتہ ہفتے تین حملوں میں چار عام شہری مارے گیے۔