ادھمپور: فٹبال پریمئر لیگ کا انعقاد

جموں کے ضلع ادھمپور اسپورٹس کاونسل کی جانب سے آج ادھمپور کے سبھاش اسٹیڈیم میں فٹبال پریمئر لیگ کا انعقاد کیاگیا۔ جس میں ضلع کی تمام ٹیمیں حصہ لے رہی ہیں۔

ضلع اسپورٹس کے عہدیدار سردار سورن سنگھ کا کہنا ہے کہ اس طرح کے کھیلوں کے انعقاد سے کھلاڑیوں کا حوصلہ بڑھے گا ۔اور ساتھ ہی وہ منفی سرگرمیوں سے دور رہینگے ۔

انہوں نے مزید کہا کہ آج کے طلبا اور نوجوان کھلاڑی جو نشے اور منفی سرگرمیوں میں ملوث رہتے ہیں ۔اس وجہ سے وہ اپنا مستقبل بھی نہیں بنا پاتے ہیں ۔

اس طرح کے کھیلوں کے انعقاد سے نوجوانوں کے کھیل کے تئیں دلچسپی بڑھیگی۔ اور وہ ملک کی تعمیرو ترقی میں حصہ لیں گے ۔

یہاں سے جو ٹیم جیت کر جائیگی اسے ریا ستی سطح پر کھیلنے کا موقع ملے گا ۔