چھاترو پولیس نے اس حادثے کی جانکاری دیتے ہوئے کہا کہ کشتواڑ کے دوردراز علاقے میں اچانک بادل پھٹنے سےان دونوں خواتین کی موت ہوئی ہے۔ ہلاک شدہ خواتین کی شناخت گُلشنہ بانو عمر 17 سال ساکنہ بھاٹواری اور ہاجرا بیگم زوجہ جمیل احمد ساکنہ بھاٹواری عمر 32سال کے طورپر ہوئی ہے۔
پولیس اہلکار کے مطابق یہ حادثہ اس وقت پیش آیا جب متاثرہ خواتین لکڑیاں جمع کر رہی تھی کہ اچانک بادل پھٹ آئے جس میں دنوں ہلاک ہوگئی۔
انہوں نے کہا کہ پولیس کو اس بارے میں جوں ہی اطلاع ملی تو ایس ایچ او تھانہ پولیس چھاترو اور ڈپٹی ایس پی محمد اشرف موقع واردات پر پہنچے اور لاشوں کو اپنے قبضے میں لے لیا۔ اس کے بعد ہلاک شدہ خواتین کی لاشیں ان کے اہل خانہ کے حوالے کر دی گئی۔
اس دوران سابق رکن اسمبلی اندروال غلام محمد سروڑی اور نیشنل کانفرنس رہنما اندروال پیارے لال شرما، پیپلز ڈیمو کریٹک پارٹی کے ضلع صدر شیخ ناصر حسین اور سابق رکن اسمبلی کشتواڑ سونیل کمار شرما نے افسوس کا اظہار کیا ۔