اننت ناگ: سڑک حادثہ میں دو افراد زخمی

جنوبی کشمیر کے ضلع اننت ناگ کے ویری ناگ علاقے میں ایک سڑک حادثہ پیش آیا جس کے نتیجے میں دو افراد زخمی ہوگئے۔

تفصیلات کے مطابق ضلع اننت ناگ کے ویری ناگ علاقے میں ایک نجی گاڑی کو حادثہ پیش آیا جس دوران کار میں سوار دو افراد زخمی ہو گئے۔

اطلاعات کے مطابق زخمی افراد کی شناخت سہیل احمد شہرو اور جہانگیر احمد شہرو کے بطور ہوئی ہے۔ دونوں افراد کا تعلق کمر ویری ناگ علاقے سے بتایا جا رہا ہے۔ زخمیوں کو فوری طور نزدیکی ہسپتال میں داخل کرایا گیا ہے جہاں ان کی حالت مستحکم بتائی جا رہی ہے۔

بتایا جا رہا ہے کہ حادثہ تیز رفتاری کی وجہ سے پیش آیا ہے۔